سيرة القديسان العظيمان قزمان ودميان

+ † + † + عدد المساهمات : 578 الانتساب : 03/01/2010

بسم الثالوث القدوس

القديسان الشهيدان
قزمان ودميان

+ هما اثنين من القديسين العرب الذين ولدوا فى شبه الجزيرة العربية؛كانوا بيشتغلوا دكاترة.وكانوا دكاترة شاطرين اوى مشهورين بانهم لهم قدرة هايلة على الشفاء والعلاج.
+ كان ليهم تلات اخوات تانيين هم انتيموس و لاونديوس و ابرابيوس؛وكانت امهم قديسة ناسكة ربت الخمس اولاد على محبة الكنيسة والحياة مع الله وكانت امهم اسمها ثيودورا واطلق عليهم بعد كدة اسم الخمسة وامهم .

+ اتجه اخوتهم الثلاثة انتيموس وابرابيوس ولاونديوس لحياة النسك والرهبنة ؛ اما قزمان و دميان فكانوا بيتعلموا ساعتها الطب وكيفية الصلاة على المرضى لشفائهم ليتمجد اسم الله فيهم. وفعلا ربنا ساعدهم وكانوا بيعملوا معجزات كتيرة اوى منها فتح عيون العميان ؛وشفاء المرضى واخراج الارواح النجسة .

+" وهذه الايات تتبع المؤمنين ؛ يخرجون الشياطين ويضعون ايديهم على المرضى فيبرأون. (مرقس 17:16) "+
وكان فى ناس كتير اوى بيامنوا باله قزمان ودميان من المعجزات اللى بيصنعها الله على ايديهم.واتعاهدوا مابينهم انهم مايخدوش اى اجر على الخدمة اللى بيعملوها للناس مهما تعبوا فيها.

+ مرة جاتلهم واحدة تعبانة جدا واهلها عرضوها قبل كدة على دكاترة كتير اوى وكلهم قالوا ان مفيش امل لشفاؤها خالص ولما سمعت عن المعجزات بتاعت قزمان ودميان راحتلهم ووصلى القديسان علشانها وربنا شفاها فعلا ؛ففرحت اوى وعرضت عليهم مكافاة مادية لكنهم رفضوا فالحت عليهم انهم لازم ياخدوها وحلفت عليهم بالمسيح انهم لازم يقبلوها منها فاخذها القديس دميان ووزعها على الفقراء.

+ عرف القديس قزمان ان القديس دميان اخد المكافاة من الست اللى ربنا شفاها وزعل منو جدا لدرجة انو اوصى بانو لما يموت ميندفنش جمبو ...طبعا ربنا مش هيسمح ابدا للشيطان انو يدخل مابينهم لان ربنا اله قلوب وعارف كل واحد ونيتو وهو بيفكر ازاى...وعلشان كدة ظهر رب المجد يسوع المسيح لقزمان وقالو ان دميان قبل المكافاة على اسمى مش حبا فى المال وهو بعد كدة وزعها على الفقراء واتصالحوا بعد كدة.

+ ومرت السنين...وعرف الامبراطور دقلديانوس ان المسيحية ابتدت تنتشر وسمع عن القديسان ومعجزاتهما فامر ليسياس الحاكم المسؤول عن المكان اللى كان فيه قديسانا فى شبه الجزيرة العربية وبالفعل قبض عليهم هما واخوتهم التلاتة وامهم بحجة انهم رفضوا التبخير للاوثان وانهم بيجذبوا الناس للمسيحية عن طريق اعمال الشفاء السحرية اللى بيعملوها قدام الناس.

+ عذابتهم +
امر بوضعهم على دواليب حديدية تبرز منها مسامير حديدية فارتضت عظامهم وشفاهم ربنا
+ كسرت الملايكة القيود الحديدية اللى كانت حواليهم وشفوهم وامن الجنود اللى كانوا بيعذبوا القديسان وامن كل من راى ذلك معهم فامر الحاكم بقطع رؤوس الجنود اللى امنوا باله قزمان ودميان.

+وضعهم الحاكم تلات ايام وتلات ليالى فى اتون النار وربنا مخلاش النار تيجى ناحيتهم .تماماً كوعد الرب
+"وابواب الجحيم لن تقوى عليهم "+
ولما والدتهم ثيؤدوتى شافت الحاجات اللى بتحصل لاولادها كانت بتثبتهم على الايمان وتقوية نفوسهم فامر الحاكم بقطع راسها هى الاول وفعلاً استشهدت القديسة ثيؤدوتى ولكن ترك جسدها مفصولاً عن راسها دون ان يدفن.

+ فصاح القديس قزمان
هو مفيش حد يرحم الست العجوزة دى ويدفن جسدها رحمةً بيها؟ فسمع نداؤه القديس بقطر رومانوس واخذ الجسد وكفنه ودفنه.
+واستشهد القديس بقطر رومانوس فى 27برمودة وبعدها بيوم امر الحاكم بقطع راس القديسان العظيمان قزمان و دميان وبالفعل نالا اكليل الشهادة.

+ اعيادهم +
عيداستشهادهم:-
22هاتور-1ديسمبر

عيد تكريس كنيستهم:-
30هاتور- 9ديسمبر
22بؤونة-29يونية

بركة وشفاعة القديسان العظيمان
قزمان ودميان
فلتكن مع جميعنا
آميــــــــ+ــــــــن
اذكرونى فى صلواتكم

سيرة القديسان العظيمان قزمان ودميان 517a30d76db0

سيرة القديسان العظيمان قزمان ودميان 517a30d76db0

الــتـــوقـيـــــــــــع

سيرة القديسان العظيمان قزمان ودميان 0qqi8hwhkdwc

سيرة القديسان العظيمان قزمان ودميان Emanoeeld3e84c4b08

» نبذه عن سيرة القديس الشهيد العظيم ابونا سمعان الاخميمي
» سيرة الشهيدة دميانة
» دى سيرة القديس العظيم الانبا موسى الاسود
» سيرة القديس مارافرام السريانى بصوت قداسة البابا شنوده
» فيلم سيرة عطرة ، الذي اذيع علي ctv ، يتحدث عن البابا شنودة

سيرة القديسان العظيمان قزمان ودميان

شارك مع اصدقائك على الفيس بوك