موضوع: رحلة لكنيسة ماما العذراء فى الزيتون الخميس أكتوبر 07, 2010 7:13 am
رحلتنا رايحة على كنيسة العذراء فى الزيتون والزيتون هى حى موجود فى القاهرة و هى منطقة زارتها مريم العذراء و يوسف النجار و الطفل يسوع لما هربوا على ارض مصر ايام الملك هيرودس بعد كده اتبنت الكنيسة فى المكان دة تذكار زيارتهم المقدسة للمكان دة و اللى بناها اسمه توفيق بك خليل و الكنيسة من جوة متزينة بأيقونات جميلة اوى رسمها فنانين ايطاليين و اتبارك مرة تانية المكان دة لما زارته ماما العذراء سنة 1968 الساعة 30و8 بليل و شافها واحد راجل كان بيشتغل فى جراج عربيات قريب من الكنيسة بص الراجل دة وجد بنت واقفة فوق قبة الكنيسة قدام الصليب و ماسكة غصن زيتون و
بعد كدة لقاها وقفت افتكر الراجل انها واحدة بنت عايزة ترمى نفسها من فوق قبة الكنيسة و اتلمت الناس و كلموا البوليس و لكن فجأة ابتدت تنور اكتر و يظهر فوق راسها حمام ابيض منور و ريحة بخور جميلة ابتدت تملا المكان و ساعتها عرفوا انها العذراء و ابتدت الناس تيجى من كل مكان تشوفها و تتبارك منها بركة المكان المقدس دة تكون معانا كلنا امين